Бикажон Рахимова “Ўзбекистон” маҳалласида яшайди. Вояга етмаган 4 нафар фарзанди бор. Боқувчисини йўқотган. У анча йиллар давомида нураб турган, талабга жавоб бермайдиган хонадонда яшаб келаётган эди. Туман ҳокими Ў.Машариповнинг қабулга келган Бикажон Рахимова ёрдамга муҳтожлиги, янги иморат қуриш учун маблағи йўқлигини ва амалий ёрдам сўраб мурожаат қилади.

Муборак Қурбон хайит байрами муносабати билан Ҳазорасп туманидаги “Темир дафтар”да турувчи 199 та оилаларнинг 682 нафар оила-аъзоларига “Саховат ва кўмак” жамғармаси ҳисобидан 102 миллион 300 минг сўм, “Аёллар дафтари”даги аёлларга 199 миллион 800 минг сўм, “Ёшлар дафтари”да турувчи ёшларга 47 миллион 700 минг сўм тарқатилди. 250 та эҳтиёжманд оилалар ҳолидан хабар олиниб, ун, гўшт, ёғ ва турли озиқ-овқат маҳсулотлари етказилди. Ушбу байрам ҳайриялари туман ҳокими ташаббускорлигида ва сектор раҳбарлари ҳамда маҳалла ҳайрия жамоат фонди туман бўлинмаси ҳамкорлигида амалга оширилди. Ҳазорасп туман ҳокимлиги Матбуот хизмати.

Дунёда битмас-туганмас, ҳеч адоғи кўринмас хазина, дея ҳунарга таъриф берилган. Агар истаса, қунт қилса ҳар ким ҳам у хазинага эгалик қилиши мумкин бўлади. Албатта, ҳунар чиндан ҳам хазинага ўхшайди. Ҳунарманд киши ҳеч қачон муҳтож бўлмайди, хорлик кўрмайди. Мол-дунё гўёки тоғдай бўлса-да, уни еб тугатиш аниқ, аммо ҳунар ортидан келадиган даромад ризқ-насибанинг мўл-кўллигини кафолатлайди. Сўзимиз исботи сифатида “Mittivoy” бренди аосида маҳсулотлар чиқараётган Абдураҳмоновлар оиласини кўрсатишимиз мумкин.

Тил ва маданият масаласи жуда қадимдан ўта долзарб мавзулардан бири бўлиб келган. Чунки тил орқали ҳар бир миллатнинг хулқи, одоби, маънавияти, маданияти, қолаверса, миллат сифатида нечоғлик ўрин эгаллаганлиги маълум бўлган. Шу боис улуғ аждодимиз Юсуф Хос Ҳожиб “Одобнинг боши тилдир” деб бежиз айтмаган. Буюк Навоий бу тилда “Хамса”ни битиб, бу тилнинг ўрнини бежиз юксакликка кўтармаган. Устоз Навоий айтганидек, “Тилга эътибор — элга эътибор”дир.

Бюджет жараёнида фуқароларнинг фаол иштирокини таъминлаш бўйича Ўзбекистон Республикаси Президентининг 2018 йил 8 августдаги “Бюджет маълумотларининг очиқлигини ва бюджет жараёнида фуқароларнинг фаол иштирокини таъминлаш чора-тадбирлари тўғрисида”ги ПҚ-3917-сонли қарорига асосан, 2019 йилдан бошлаб жамоатчилик фикри асосида шакллантирилган тадбирларга маҳаллий бюджетнинг қўшимча манбаларининг камида 10 фоизини йўналтириш жорий қилинган эди.

Маҳалла ва оилани қўллаб-қувватлаш бошқармаси бошлиғининг биринчи ўринбосари Гулсара Қурбанбоева иштирокида бугун 14 июль куни Ҳазорасп туман ҳокимлиги биносида депутатлар, маҳалла фуқаролар йиғини раиси ва ўринбосарлари ҳамда тегишли мутасадди ташкилот раҳбарлари иштирокида очиқ мулоқот бўлиб ўтди.

Жорий йил июль ойида Тошкент шаҳрида бўлиб ўтиши режалаштирилган “Марказий ва жанубий Осиё: минтақавий ўзаро боғлиқлик, Таҳдидлар ва имкониятлар” мавзусидаги халқаро конференция доирасида Таиланднинг “Wyncoast Industrial Park Co Ltd” ва “B.H.I. Holding Public Co Ltd” кампониялари директорлари Ж.Чамикори ва Н.Чамикорннинг республикага ташрифи амалга оширилди.

Президентимиз томонидан барча соҳаларда олиб борилаётган тизимли ислоҳотлар натижасида бугун давлат ва жамоат ташкилотлари раҳбарлари оддий одамлар билан доимий мулоқот ўрнатиб, уларни қийнаётган масала ва муаммоларни зудлик билан бартараф этиш, бу орқали одамларнинг бугунги ҳаётидан рози бўлиб яшашини таъминлаш йўналишида тизимли ишлар амалга оширилмоқда. Энг муҳими, халқимиз, шу жумладан хотин-қизлар турмуш даражаси ва сифатини ошириш масаласи давлатимиз сиёсатининг устувор йўналишларидан бирига айланди.