Бугун Ҳазорасп тумани ҳокими Ўктам Машарипов тумандаги фермер хўжаликларида бўлиб, далаларда ўсаётган ғўзаларни кўздан кечирди. Мўл ҳосилдан дарак бериб, гуркираб ўсаётган ғўзалар кўзни қувонтиради. Ҳазорасп туман ҳокимлиги Ахборот хизмати.

Вилоят ҳокимлигининг 2021 йил 1 февраль куни маънавий-маърифий ишларнинг янги тизимини яратиш бўйича тасдиқланган 4-483-сонли Йўл харитасининг 26-банди ижросини таъминлаш мақсадида “Туман тиббиёт бирлашмасида” “Коррупцияга қарши кураш, ҳуқуқбузарлик ва жиноятчиликни бартараф этишнинг маънавий, ҳуқуқий асослари” мавзусидаги давра суҳбати ўтказилди.

Тумандаги Ёшлар маркази биносида “Ёшлар ойлиги” муносабати билан Республика манавият ва маърифат маркази туман бўлинмаси, Ёшлар ишлари агентлиги туман бўлими ҳамкорлигида тумандаги 18-30 ёшгача бўлган ёшлар ўртасида "Заковат" мусабақаси бўлиб ўтди.Ўтказилган мазкур мусобақада ғолибликни қўлга киритган жамоаларга туман ҳокимининг эсдалик совғалари топширилди.Ҳазорасп туман ҳокимлиги Матбуот хизмати.

Умумтаьлим мактабларини олтин ва кумуш медалларга битказаётган жами 45 нафар ўқувчиларга медаллар тантанали равишда топширилди.

Фарзандларимиз бизнинг давомчиларимиз ва келажагимиз пойдеворидир. Уларнинг ҳар томонлама баркамол бўлиб улғайиши йўлида фидойилик кўрсатиш эса бурчимиздир. Бу борада туманимизда туман раҳбари бошчилигида тизимли ишлар олиб борилмоқда.

Ҳазорасп тумани, “Карвак” маҳалласида тадбиркор Элбек Отамуратов томонидан “Барчиной” номли давлат хусусий-шериклик асосида янги нодавлат мактабгача таълим ташкилоти иш фаолиятини бошлади. Мактабгача таълим ташкилоти 50 ўринга мўлжалланган бўлиб, 3-6 ёшли маҳалладаги болаларни сифатли таълим-тарбия бериш учун ўз бағрига қамраб олади. Бугун болалар боғчасининг очилиш маросимида Ҳазорасп туман ҳокими Ў.Машарипов, мактабгача таълим ташкилотлари, маҳалла оқсоқоллари иштирок этишди. Ушбу давлат хусусий-шериклик асосидаги нодавлат мактабгача таълим ташкилоти келажагимиз давомчилари бўлмиш ёш авлодни тарбиялашда муҳим аҳамият касб этади. Ҳазорасп тумани ҳокимлиги Матбуот хизмати.

Ушбу кун 1925 йил Женевада болалар фаровонлигига бағишланган Бутунжаҳон конференциясида таъсис этилган бўлса, орадан 25 йил ўтиб, 1950 йилдан байрам сифатида нишонлаб келинади. Хусусан, жаҳоннинг кўплаб мамлакатларида 1 июнь куни байрам сифатида нишонланади.

Бугун тумандаги 13-сонли Болалар мусиқа ва санъат мактаби биносида сайёр қабул ўтказилади.Сайёр қабулда Хоразм вилоят адлия бошқармаси бошлиғи Айбек Машарипов, Ҳазорасп тумани ҳокими Ўктам Машарипов, Халқ қабулхонаси мудири Султонмурад Ходжамуратовлар фуқароларни қабул қилдилар.