Ўзбекистон Республикаси Президенти Администрациясининг кўрсатмасига асосан Ислом цивилизация маркази, Имом Бухорий илмий-тадқиқот маркази ходимларининг Ҳазорасп туманида (пробация ва профилактик) назоратда турган шахслар ва уларнинг оила аъзолари билан 2020 йил 6 октябрь куни ўтказилган суҳбатда “Сулаймон қалъа” маҳалласида яшовчи фуқаро Машарипов Умидбек Эргаш ўғли дурадгорлик касби борлиги аммо дурадгорлик асбоб ускуналари сотиб олишининг имкони бўлмаётганлигини билдирган эди. Жорий йилнинг 6 ноябрь куни туман ҳокими У.Машарипов фуқаро билан учрашиб, мурожаати ижобий ҳал этилиб, Умидбек Машариповга умумий қиймати 3 миллион сўм бўлган дурадгорлик асбоб-ускуналари берилди. Ҳазорасп туман ҳокимлиги Ахборот хизмати.

Ҳазорасп туман ҳокими Ўктам Рустамович Машарипов пандемия даврида аҳолининг ижтимоий ҳимояга муҳтож қатламини қўллаб қувватлашда “Саховат ва кўмак” умумхалқ ҳаракати йўлида кўрсатган муносиб хизматлари учун Ўзбекистон “Маҳалла” ҳайрия жамоат фонди ҳузуридаги “Саховат ва кўмак” жамғармасининг ташаккурномаси билан тақдирланди.

Ҳазорасп тумани ҳокими Уктам Машарипов “Алоқали кўл” маҳалласида ТЕХНО усулида қурилаётган паррандачилик комплекслари қурилишлари билан танишди.

Ҳазорасп тумани ҳокими У.Машарипов Хоразм вилояти ҳокимининг 2020 йил 1 февралдаги “Хоразм вилоятида кўчма савдо фаолиятини тартибга солиш чора-тадбирлари тўғрисида”ги 45қ-сонли қарор ижроси юзасидан, туман маҳаллаларида ўрнатилган контейнер-дўконлари фаолиятлари билан танишиб, ўз тадбиркорлигин йўлга қуйиб, бандлиги таъминланган фуқаролар ва аҳоли билан учрашди ва самимий суҳбатлашди.

Ҳазорасп тумани ҳокими У.Машарипов маҳаллаларда бўлиб, аҳоли билан учрашиб, улар дардига қулоқ тутмоқда. Бугун ҳам туман ҳокими 1-сектор ҳудуди “Алоқали кўл” маҳалласида бўлиб, аҳоли билан учрашди.

Ҳазорасп туманидаги “Алоқали кўл” маҳалласида 15-сонли мактабгача таълим ташкилоти бугун 4 ноябрь куни ўз фаолиятини бошлади. Боғчанинг очилиш маросимида туман ҳокими Ў.Машарипов қатнашди ва бу ерда болажонлар учун яратилган шароитлар билан танишди.

Давлатимиз раҳбари томонидан белгилаб берилган вазифалар моҳиятини чуқур англаган ва зиммасидаги масъулиятни ҳис қилган ҳар бир раҳбар борки халқ билан мулоқотда бўлиб, фуқаролар муаммоларини ижобий ҳал этиб келмоқда.

Чорвачилик тармоғини жадал ривожлантириш - халқимизнинг арзон ва сифатли гўшт ва бошқа озиқ-овқат маҳсулотлари билан таъминлашида, айниқса қишлоқ жойларида истиқомат қилаётган фуқароларнинг бандлигини ошириш ва даромадларини кўпайтиришда муҳим ўрин тутади.